នៅលើបណ្តាញសង្គម មានការរិះគន់យ៉ាងខ្លាំងក្លាពីសំណាក់អ្នកប្រើប្រាស់ ទៅលើរូបថតមួយសន្លឹកដែលបង្ហាញថា អក្សរសាស្ត្ររបស់វៀតណាម នៅលើអក្សរសាស្ត្រខ្មែរ ដែលមានសរសេរពាក្យថា ស្ថាបនពាណិជ្ជកម្មវៀតណាម។ នេះបើយោងទៅតាមគណនីហ្វេសប៊ុកឈ្មោះ ពុទ្ធិ ថេត ដែលបានបង្ហោះនៅយប់ថ្ងៃទី១៨តុលានេះ។
គណនីហ្វេសប៊ុកខាងលើនេះ បានលើកឡើងថា ៖ ជាជនបរទេសដាច់ខាតមិនអាចសរសេរអក្សរម្ចាស់ស្រុកនៅពីក្រោមអក្សររបស់ខ្លួនឯងបានទេ នៅពេលដែលអ្នកមកធ្វើពាណិជ្ជកម្ម ឬអ្វីផ្សេងទៀតនៅស្រុកគេ។ រីឯម្ចាស់ស្រុកក៏មិនត្រូវបណ្ដោយឲ្យជនបរទេសធ្វើបែបនេះដែរ ។ តើស្ថាប័នម្ចាស់ស្រុកដែលជាប់ពាក់ព័ន្ធនឹងរឿងមានបានពិនិត្យរួចរាល់ឬនៅ?មុននឹងឲ្យជនបរទេសតាំងស្លាកយីហោបែបនេះ?
កន្លងមកមហានជនបានសង្កេតឃើញថា មានជនជាតិចិន បើកហាងនៅក្នុងព្រះរាជាណាចក្រកម្ពុជា ដោយសរសេរឈ្មោះជាភាសាខ្មែរ មិនត្រឹមត្រូវតាមក្បួនច្បាប់ បានកើតឡើងជាហូរហែ ភាគច្រើននៃស្លាកយីហោទាំងនោះស្ថិតក្នុងខេត្តព្រះសីហនុ ដោយសរសេរខុសអក្ខរាវិរុទ្ធ និងសរសរខុសជួរនៅពីលើអក្សរសាស្រ្តខ្មែរជាដើម ។
Tags:
ពត៌មានជាតិ