នៅមុននេះបន្តិច មានករណីគ្រោះថ្នាក់ចរាចរណ៍មួយបានកើតឡើង បណ្ដាលឲ្យមនុស្សប្រុសស្រីប្រមាណជា១០នាក់ បានស្លាប់ និងរបួសនៅកន្លែងកើតហេតុ។ ករណីគ្រោះថ្នាក់ចរាចរណ៍នេះ ស្ថិតនៅតាមបណ្ដោយមហាវិថីព្រះមុនីវង្ស ក្នុងសង្កាត់ទន្លេបាក់ ខណ្ឌចំការមន(ខាងមុខគ្រឹះស្ថានមីក្រូហិរញ្ញវត្ថុស្ថាបនា)។
សេចក្ដីរាយការណ៍បានឲ្យដឹងទៀតថា ហេតុការណ៍គ្រោះថ្នាក់នេះ បណ្ដាលមកពីរថយន្ដឆ្លាមបានធ្វើការបុករះម៉ូតូជាច្រើនគ្រឿងដែលកំពុងធ្វើដំណើរ បណ្ដាលឲ្យស្លាប់៣នាក់(ស្រី២និងប្រុសម្នាក់) ព្រមទាំងរងរបួសធ្ងន់ស្រាលជាច្រើននាក់ទៀត។ ចំនែកឯជនបង្កហេតុដែលជាអ្នកបើករថយន្តឆ្លាមនោះគឺ ពាក់ស្លាកលេខ ភ្នំពេញ 2M-2245 ត្រូវបានប្រជាពលរដ្ឋនៅទីនោះ នាំគ្នាព្រួតវាយនៅសល់តែដង្ហើមចង្រិតប៉ុណ្ណោះ។ បច្ចុប្បន្នសមត្ថកិច្ចបានរំដោះជនបង្កហេតុមករក្សាទុកនៅនគរបាលអធិការខណ្ឌចំការមនហើយ។
Tags:
ពត៌មានជាតិ