ការផ្ទុះការបាញ់ប្រហារក្នុងពន្ធនាគាររវាងអ្នកទោសសម្លាប់មនុស្សយ៉ាងហោចណាស់ 7 នាក់

យ៉ាងហោចណាស់មនុស្ស ៧នាក់ ត្រូវបានសម្លាប់ និង១៧នាក់ផ្សេងទៀតរងរបួសក្រោយផ្ទុះការបាញ់ប្រហាររវាងអ្នកទោសកាលពីថ្ងៃអង្គារកន្លងទៅនៅក្នុងគុក Pavón នៃរដ្ឋធានីនៃប្រទេសហ្គាតេម៉ាឡា។

យោងតាមមន្ត្រីឲ្យដឹងថា ហេតុការណ៍នេះបានកើតឡើងដំបូងដោយសារជម្លោះរវាងអ្នកទោសពីរនាក់រហូតឈានដល់ការវាយតប់គ្នាក្នុងនោះអ្នកទោសម្នាក់មានសារធាតុស្រវឹងនៅក្នុងខ្លួន។ ជម្លោះឈានដល់ការបាញ់ប្រហារគ្នា រហូតធ្វើឲ្យមានភាពចលាចលក្នុងគុកដែលពួកអ្នកទោសគ្រប់គ្រងគុកអស់រយៈពេល ៨ម៉ោង។ ប៉ុន្តែក្រោយមក ប៉ូលិសនិងទាហានចំនួន ១ ៥០០នាក់ ត្រូវបានបញ្ជូនទៅកាន់គុកដើម្បីបញ្ឈប់អំពីហិង្សា និងគ្រប់គ្រងគុកវិញ។

គួរឲ្យដឹងថា គុក Pavón មានអ្នកទោសយ៉ាងហោច ៤ ០០០ នាក់ ដោយកាលពីសាងសង់លើកដំបូងក្នុងឆ្នាំ ១៩៧០ សម្រាប់ដាក់អ្នកទោសត្រឹម ១ ០០០ នាក់ប៉ុណ្ណោះ៕

ប្រភព៖ BBC

ការផ្ទុះការបាញ់ប្រហារក្នុងពន្ធនាគាររវាងអ្នកទោសសម្លាប់មនុស្សយ៉ាងហោចណាស់ 7 នាក់

Post a Comment

Contact Form