Water-car traffic continues to be less popular on the market because it is cheap and quality is available. Camry Balance, Lexus, Prius and modern saris.
Certain cities are always buying vehicles at a warehouse, which is bought for clean repair, but there is one Numbers want a water vehicle dropped from a container because a tangible shape can be seen
ចរាចរណ៍រថយន្តមួយទឹកនៅតែមានការពេញនិយម មិនសូវស្រកស្រុតទីផ្សារ ព្រោះវាមានតម្លៃធូរថ្លៃហើយគុណភាពនៅប្រើប្រាស់បាន។ ប្រភេទរថយន្តមួយទឹកពេញនិយមមានដូចជា Highlander, Camry បាឡែន, Lexus, Prius និងមានសារីទំនើបៗជាដើម។
ពលរដ្ឋមួយចំនួនតែងតែរកទិញរថយន្តតាមឃ្លាំង ដែលត្រូវឈ្មួញទិញយកទៅជួសជុលយ៉ាងស្អាត ប៉ុន្តែមានអ្នកមួយចំនួនចង់បានរថយន្តមួយទឹកដែលគេទម្លាក់ពីកុងតឺណ័រ ដោយសារអាចឃើញរូបរាងជាក់ស្តែងងាយសម្រេចចិត្ត។
តាមអ្នកជំនាញប្រាប់ថា ទិញរថយន្តទម្លាក់ពីកុងតឺណ័រមិនស្រួលទេ បើមិនមានជំនាញច្បាស់លាស់។ បើអ្នកចង់ទៅរកទិញរថយន្តទម្លាក់ពីកុងតឺណ័រដើម្បីបានរថយន្តល្អអាចទទួលយកបាន គួរគប្បីមើលលើប៉ុន្មានចំណុចខាងក្រោមនេះសិនទើបល្អ៖
- ជាធម្មតាឡានទម្លាក់ពីកង់តឺណ័រភ្លាម ងាយស្រួលមើល បើវាអត់ច្រេះមានន័យថាឡាននេះនៅល្អអាចយកទៅប្រើបាន ដល់ថ្នាក់មិនបាច់មើលម៉ាស៊ីនក៏បានដែរ។ មើលទៅលើតួរថយន្តជើងក្រោមសាក់ស៊ីកន្លែងចាប់កង់រថយន្តមិនច្រេះឬសឹកនេះទើបជារថយន្តដែលមិនមានការប្រើប្រាស់ច្រើននិងប្រើនៅតំបន់ដែរមានផ្លូវស្អាតល្អ។
- មើលសាច់ដែក ទឹកថ្នាំហ្សីនឬមិនហ្សីន។ រថយន្តដែលនៅថ្មីទាំងមូល គេកម្រទិញណាស់ ដោយសារឡានហ្នឹងគេប្រើប្រាស់ច្រើន (មានគីឡូច្រើន)។
- នៅលើឡានគេមានបិទក្រដាសបញ្ជាក់ចំនួនគីឡូ ដែលយើងអាចឆែកមើលបាន។ ជាធម្មតាឡាននៅគីឡូតិចគេចង់បាន ហើយសមស្របបំផុតបើក្រោម ១០ ម៉ឺនគីឡូអាចទទួលយកបាន។
- មើលពូកខាងក្នុងបើនៅថ្មី មិនស្លក មិនមានការខូចខាត់បុកកុំពុិតមើលផ្នែកខាងក្នុងកន្លែងអង្គុយពូកមានលក្ខណៈនៅស្អាតទើបមិនមានការប្រើប្រាស់យូរ បានន័យថាឡាននេះមិនសូវគេប្រើប្រាស់ច្រើនទេ។
- ចំណុចមួយទៀត ឡានមួយទឹកតែងតែមានការខូចខាតបុកទង្គិច។ បើប៉ះពាល់ខាងក្រោយ មិនសូវបារម្ភទេ ប៉ុន្តែខូចខាតផ្នែកខាងមុខត្រូវប្រយ័ត្នបំផុត។ ត្រឹមចង្កៀងមុខ ប៉ាន់ណា ឬធុងទឹក គេអាចទិញថ្មីប្តូរចេញបានប៉ុន្តែបើប៉ះដល់តួសាក់ស៊ីម៉ាស៊ីន វាពិបាកជួសជុល ហើយបើជួលជុលក៏មិនបានល្អដូចដើមដែរ។
- ពិនិត្យមើលប្រេងម៉ាស៊ីននៅថ្មីនេះម៉ាស៊ីននិងដំណើរការល្អមើលកុងទ័របើមានចំនួនតិចនោះរថយន្តនេះប្រើប្រាស់បានតិច។ មើលទៅលើសំបកកង់ព្រោះនៅបរទេសនៅពេលប្ដូរកង់គេតែងមានការបរិច្ឆេទឆ្នាំនៃការប្ដូរកង់ថ្មី(រយះពេល៣ឆ្នាំឬចាប់ពី៥០០០ទៅ១០០០០គីឡូប្ដូរម្ដងអាស្រ័យលើស្ថានភាពជាក់ស្ដែង)។
ក្រៅពីមើលលើចំណុចពិសេសៗខាងលើនេះអ្នកត្រូវទិញក៏ត្រូវដឹងពីប្រភពទំនិញពីប្រទេសណាក្រុមហ៊ុននាំចូលមានលិខិតស្នាមបញ្ជាក់ពីរថយន្តច្បាស់លាស់ផងដែរ៕