Technical, 2018, which is equipped with more modern and innovative phones, whether on the camera section, the sound or the security system, has been enabled Development adds more modernity in response to the needs of users; not only, even the appearance of the phone is bright, and others are attractively bent.
និយាយដល់បច្ចេកវិទ្យានាឆ្នាំ ២០១៨ ដែលគេបំពាក់លើទូរសព្ទនេះ ពិតជាមានភាពទំនើប និងច្នៃប្រឌិតច្រើន មិនថាតែលើផ្នែក កាម៉េរា សំឡេង ឬប្រព័ន្ធសុវត្ថិភាពឡើយ សុទ្ធតែត្រូវបានអភិវឌ្ឍបន្ថែមឲ្យមានភាពកាន់តែទំនើបខ្លាំងឡើងតបទៅនឹងតម្រូវការរបស់អ្នកប្រើប្រាស់។ មិនត្រឹមតែប៉ុណ្ណោះ សូម្បីតែរូបរាងរបស់ទូរសព្ទ ក៏ស្ដើង ហើយខ្លះទៀតក៏កោង យ៉ាងទាក់ទាញផងដែរ។
យ៉ាងណាមិញ ដើម្បីឲ្យទូរសព្ទមានការរចនាមក រាយឡូយ ស្ដើង កោងបែបអនាគត បូករួមនឹងបច្ចេកវិទ្យាកប់ទៀតនោះ រចនាបទ និងបច្ចេកវិទ្យាចាស់ៗមួយចំនួនត្រូវបានគេចាប់ផ្ដើមបោះបង់ចោលហើយ ទោះបីជាវានៅសំខាន់យ៉ាងណាក៏ដោយ។
តួយ៉ាងដូចជា រន្ធកាស ៣.៥ ម.ម អុីចឹង ដែលក្រុមហ៊ុនទូរសព្ទភាគច្រើនបោះបង់ចោលលើទូរសព្ទស៊េរីថ្មីរបស់ខ្លួន ឧទាហរណ៍ Apple បានបោះបង់រន្ធដោតកាស ៣.៥ ម.ម តាំងតែពី iPhone 7 មក ហើយ Google Pixel 2 ដែលជាជំនាន់ក្រោយរបស់ Google Pixel ក៏បោះបង់រន្ធកាស ៣.៥ ម.ម ដូចគ្នា។
រន្ធកាស ៣.៥ ម.ម បានចាប់ផ្ដើមល្បីល្បាញខ្លាំងតាំងតែពីឆ្នាំ ១៩៧៩ មកម៉្លេះ ក្រោយក្រុមហ៊ុន Sony សម្រេចចិត្តប្រើរន្ធកាសនេះ លើឧបករណ៍ស្ដាប់ចម្រៀង Walkman របស់ខ្លួន។ រន្ធកាស ៣.៥ ម.ម មានរាងទ្រវែង ដែលវាអាចគាំទ្រការបញ្ចេញសំឡេងខាងឆ្វេង ខាងស្ដាំ និងឧបករណ៍ស្រូបសំឡេង (MIC) តាមគន្លាក់របស់វានីមួយៗ។
យ៉ាងណាមិញ នៅពីក្រោយរឿងនេះមានហេតុផលសំខាន់ៗចំនួន ២ គឺតម្រូវឲ្យទូរសព្ទទំនើបស៊េរីចុងក្រោយត្រូវបោះបង់រន្ធកាស ដែលពេញនិយមជាងគេលើពិភពលោកនេះដោយសារតែករណីដូចខាងក្រោម៖
១. កម្រាស់ទូរសព្ទ
ដោយសារតែទំនោររបស់អ្នកប្រើប្រាស់បច្ចុប្បន្ន ស្រឡាញ់ទូរសព្ទដែលស្ដើង ស្រាលនិងរចនាមកដោយភាពទាក់ទាញ ដូចនេះក្រុមហ៊ុនទូរសព្ទនាពេលបច្ចុប្បន្ននេះប្រឹងប្រែងរិះរកវិធី ធ្វើយ៉ាងណាឲ្យការរចនាទូរសព្ទរបស់ខ្លួនបានស្ដើងជាងមុន។ ដូចនេះ រន្ធកាស ៣.៥ ម.ម ជាឧបសគ្គមួយ ដែលអាចដកចេញពីទូរសព្ទបាន ការដកវាចេញអាចបន្ថយកម្រាស់ទូរសព្ទពី ១ ម.ម ទៅ ២ ម.ម ហើយអាចជំនួសដោយរន្ធកាស ប្រភេទផ្សេងដែលស្ដើងជាងដូចជា USB-C ជាដើម។
រូបតំណាង
២. គុណភាពនៃសំឡេង
រន្ធកាស ៣.៥ ម.ម ពេញនិយមកជិត ៤០ ឆ្នាំទៅហើយ ដោយបច្ចេកវិទ្យារបស់វាមិនបានអភិវឌ្ឍឲ្យបានប្រសើរឡើងខ្លាំងនោះទេ។ ដោយហេតុថា ទូរសព្ទស៊េរីថ្មីមានបច្ចេកវិទ្យា ដែលគាំទ្រការបញ្ចេញសំឡេងកម្រិតខ្ពស់ ប្រភេទ HD ឬ Hi-Fi ជាដើមនោះ រន្ធកាស ៣.៥ ម.ម មិនអាចគាំទ្រនូវបច្ចេកវិទ្យានេះបានពេញលេញទេ ដោយសារតែរន្ធស៊េរីថ្មី ដូចជា Lightning របស់ Apple និង USB-C អាចគាំទ្របច្ចេកវីទ្យានេះបានពេញលេញ។ មិនត្រឹមតែប៉ុណ្ណោះ Lightning និង USB-C ក៏អាចសាកបញ្ចូលថ្មបាន និងផ្ទេរទិន្នន័យបានផងដែរ ធ្វើឲ្យរន្ធកាស ៣.៥ ម.ម កាន់តែអស់តម្លៃ និងធ្វើឲ្យខាតកន្លែងក្នុងទូរសព្ទ។
រន្ធ USB-C
រន្ធ Lightning
Tags:
Technology